Neue Deutsche Biographie

Di Nöji Dütschi Biografy NDB isch es Lexikon mit de Läbensgschichte vo Persoonen us em düütsche Sproochgebiet.

Es isch s Nochfolgeprojäkt vo dr ADB, der Algemeine Dütsche Biografy. Der eerscht Band vo der Sery isch anne 1953 usechoo. D Redakzioon lyt bi dr Historische Komissioon vo dr Bayrischen Akademy vo de Wüsseschafte. Bis Februar 2020 sind 27 Bänd usechoo, es het öppe 23.000 Artikle drinn. D Büecher wärde vom Verlag Duncker & Humblot z Berlin gmacht.

Zu de Lüüt, wo me für sen en Artikel id NDB schrybt, git s Lexikon Informazioone zu iirere Verwandtschaft, zum Lääben und Schaffe, es Wäärchverzeichnis und Literatur, wo s über d Persoone git.

Sit 2008 cha men alli Artikel über s Internet bi der E-ADB online abrüöffe.